"Бавария" президенти Герберт Хайнер ҳимоячи Маттейс де Лигт ва ҳужумчи Садио Маненинг трансферлари ҳақида гапирди. Футболчилар шу ёзда мос равишда "Ювентус" ва "Ливерпул"дан сотиб олинганди.
“Де Лигт узоқ вақтдан бери орзу қилган футболчимиз. У бизнинг трансферлар рўйхатида биринчи ўринда эди. Биз уни имзолаганимиздан жуда хурсандмиз. Маттиас янги лойиҳани қуришда муҳим бўғин бўлади.
Мане ва де Лигт тимсолида биз иккита юқори тоифадаги юлдузларни қўлга киритдик. Бундай трансферлардан сўнг чемпионатимиз янада жозибадор бўлади", - дея клуб раҳбарининг сўзларини келтиради клуб матбуот хизмати.
Де Лигтнинг трансфери “Бавария”га 67 миллион еврога тушди. Мане учун Германия чемпиони 35 млн сарфлади.
