Мадриднинг «Атлетико» клуби ярим ҳимоячиси Тома Лемар клуб билан шартномасини узайтиришга яқин турибди, деб ёзади журналист Фабрицио Романо ўзининг Твиттердаги саҳифасида.

Мадрид клуби 26 ёшли ярим ҳимоячи билан шартномани 5 йилга узайтириши кутилмоқда. Шартнома 2017 йилнинг ёзига қадар амал қилади.

Франциялик футболчи ўтган мавсумда барча турнирларда 35 та ўйинда майдонга тушиб, 4 та гол урди ва 6 та голли узатмани амалга оширди.

Лемар 2018 йилда «Монако»дан «Атлетико»га ўтган эди. Трансфер суммаси 70 миллион еврони ташкил этди.

Ўтган мавсумда Лемар Испания чемпионатининг 22 та ўйинида қатнашиб, 2 та сариқ карточка олди.