Франкфуртнинг "Айнтрахт" клуби ҳимоячиси Эван Н’Дика Свен Ботманнинг трансфери амалга ошмай қолганидан кейин "Милан"нинг қизиқиш доирасига тушиб қолди.
"Милан" клуби ҳали немисларга расмий таклиф билан чиқмаган бўлса-да, Франкфурт бу хабарга аллақачон муносабат билдирган.
"Кўрамиз нима бўлишини", - деди "Айнтрахт" спорт директори Маркус Креше камтарлик билан Frankfurter Rundschau нашрига берган интервьюсида.
Италия ОАВлари бундай жавобни “Айнтрахт”нинг агар адекват таклиф тушса, футболчи билан хайрлашишга розилиги сифатида баҳолади.
Н’Диканинг немис клуби билан шартномаси бир йилдан кейин тугайди, шу боис футболчининг нархи миланликлар учун анча қулай бўлади.
