Италиянинг “Рома” клуби ҳимоячи Дан-Аксель Загадуни нишонга олди.
Журналист Фабрицио Романонинг фикрича, франциялик футболчи "ПСЖ" ярим ҳимоячиси Жоржиньо Вейналдум билан бирга "Рома"нинг трансфер бозоридаги навбатдаги мақсади ҳисобланади.
Эътиборлиси, Загаду "Боруссия Дортмунд"дан кетганидан кейин эркин агент мақомида. “Рома” вазиятдан унумли фойдаланиб, ҳимоячини клубга текинга таклиф қилмоқчи.
Аввалроқ, “бўрилар” икки нафар эркин агент – Пауло Дибала ва Неманья Матич билан шартнома имзолаганди.
23 ёшли Загаду Германия Бундеслигасида 67 та ўйин ўтказди. Ушбу ўйинларда футболчи тўртта гол урди ва битта голли узатмани амалга оширди.
