2023 йилнинг ёзида ҳужумчи Харри Кейннинг "Тоттенхэм"дан "Бавария"га ўтиши даргумон.

Аввалроқ Kicker ва Sport Bild нашрлари Роберт Левандовски кетганидан сўнг соф марказ ҳужумчисисиз қолган Мюнхен клуби инглиз футболчисига қизиқиш билдираётгани ҳақида хабар берганди.

Sport1.de хабарига кўра, бошқа кўплаб ҳужумчилар каби Кейн номзоди ҳам бир неча ҳафта олдин "Бавария" раҳбарияти томонидан муҳокама қилинган, бироқ улар унга қизиқишни оширмасликка қарор қилишган, чунки клуб раҳбарлари ушбу ҳужумчининг трансферига шубҳа қилишган. "Бавария" Харрининг Премьер-лигадан ташқарида ўйнашига ишончи комил эмас, шунингдек, Юлиан Нагельсманнинг ўйин услубига мос келишига ҳам шубҳа қилмоқда.

Бундан ташқари, Кейнни қўлга киритиш учун клуб катта маблағ сарфлаши керак бўлади - "Тоттенхэм"нинг трансфер товон пули ва ҳужумчининг маоши 100 миллион евродан ошади. "Бавария" раҳбарияти буни жуда қиммат деб ҳисобламоқда.

Юқорида санаб ўтилган сабабларга кўра Кейннинг Мюнхен клубига ўтиши даргумон. Харрининг "Тоттенхем" билан шартномаси 2024 йилнинг ёзига қадар амал қилади.