“Ювентус” ҳужумчиси Анхель Ди Мария “Гвадалахара”га (2:0) қарши ўтказилган ўртоқлик учрашувида жамоадаги дебюти ҳақидаги таассуротлари билан ўртоқлашди.
“Мавсумнинг дастлабки босқичида тайёргарликни бошлаш учун ушбу учрашув жуда фойдали. Погба дунёнинг энг кучли футболчиларидан бири, у ярим ҳимояни кучайтиришга катта ёрдам беради", - дея Ди Мариянинг сўзларини келтиради клуб расмий сайти.
Янги келганлар Бремер, Пол Погба ва Анхел Ди Мария "Ювентус"нинг асосий таркибига киришди. Улар биринчи бўлимда ўйнашди ва танаффусда алмаштирилди.
Италия жамоасининг мавсумолди навбатдаги рақиби "Барселона" бўлади. Ўйин 27 июль куни бўлиб ўтади ва Тошкент вақти билан соат 05.30да бошланади.
