"ПСЖ" ҳужумчиси Неймар 2022/23 йилги мавсумга тайёргарлик ҳақида гапириб, ЖЧ-2022да муваффақиятли иштирок этиши муҳимлигини таъкидлади.

“Бизни қийин мавсум кутмоқда, биз тайёргарлик кўришимиз керак, аммо мен кўряпманки, жамоа яхшиланмоқда. Энди асосий вазифа 31 июль куни бўлиб ўтадиган "Нант"га қарши Франция Суперкубоги учун ўйин. Шахсан менинг олдимга Қатардаги жаҳон чемпионатига ўзимнинг энг яхши формамда киришиш вазифаси қўйилган”, — дея Неймарнинг сўзларини келтиради Sky Sports.

Бразилия терма жамоаси Қатарда бўлиб ўтадиган 2022 йилги жаҳон чемпионатида Сербия, Швейцария ва Камерун терма жамоалари билан бирга G гуруҳида иштирок этади.

Турнир 2022 йилнинг 21 ноябридан 18 декабрига қадар давом этади.