"Манчестер Юнайтед" Криштиану Роналдудан изоҳ кутмоқда.
Manchester Evening News нашрининг ёзишича, клуб португалияликдан мавсумолди машғулотларни бошлаш учун "МЮ"га қачон қайтишни режалаштираётгани ҳақида хабар беришини сўрамоқда.
Кеча "Манчестер Юнайтед" Таиланд ва Австралия бўйлаб мавсумолди турнесини якунлади ва "Астон Вилла" (2:2) билан ўйиндан сўнг дарҳол Манчестерга қайтди.
Мураббий Эрик тен Хаг душанба куни футболчиларга дам берди, сешанба куни эса жамоа мавсумга тайёргарликни давом эттиради. Клуб Ослода "Атлетико", шунингдек, "Олд Траффорд"да "Райо Вальекано" билан ўртоқлик ўйинлари ўтказади.
Роналду 4 июль куни таътилдан сўнг "Манчестер Юнайтед"га қайтиши кутилганди, аммо ҳужумчи Португалияда қолган ҳолда жамоа базасига келмади.