“Тоттенхэм” ярим ҳимоячиси Жованни Ло Чельсо фаолиятини Испанияда давом эттириши мумкин. 26 ёшли футболчи "Вильярреал"нинг қизиқиш доирасига тушиб қолди.
Журналист Фабрицио Романонинг ёзишича, испанлар лондонликлар билан бевосита музокара олиб бормоқда. Ло Чельсо бош мураббий Унаи Эмери томонидан тузилган трансферлар рўйхатида биринчи ўринни эгаллаб турибди.
"Вильярреал" Италиянинг номи тилга олинмаган баъзи клублари билан бу трансферда рақобатлаша олади. Аргентиналик футболчининг шартномаси 2025 йилнинг ёзида якунига етади.
Жованни ўтган мавсумда 40 та ўйинда майдонга тушиб, 2 та гол урди ва 3 та голга ассистентлик қилди. Эслатиб ўтамиз, ярим ҳимоячи 2022 йилнинг январидан июнигача "Вильярреал"да ижара асосида ўйнаган.
