"Барселона"га янги келган Рафинья Диас ўзининг профессионал ўсиши учун мураббий Марсело Бьелсанинг аҳамияти ҳақида гапирди.
Бразилиялик вингер Англиянинг “Лидс” клубида аргентиналик мураббий қўл остида ўйнаган. Ўтган мавсумда Бьелса ишдан бўшатилди ва ёзда Рафинья "Барселона"га кўчиб ўтди.
“Марсело менга “Лидс”да кўп ёрдам берган. У жуда талабчан ва ҳаммадан кўпроқ нарсани сиқиб чиқараришга ҳаракат қилади.
У билан ишлаганим туфайли Бразилия терма жамоасига, кейин эса “Барселона”га ўтдим. Унинг раҳбарлигисиз, "Лидс"да у билан бирга ўтган индивидуал ва жамоавий машғулотларсиз мен ҳозир эришган нарсамга эришолмаган бўлардим”, - дейди Рафинья.
