Ҳужумчи Луис Суарес ижтимоий тармоқлар орқали Уругвайнинг "Насьонал" клубига ўтиш бўйича келишувга эришганини маълум қилди.

35 ёшли футболчи профессионал фаолиятини бошлаган клубига қайтади. Яқин орада Суарес Монтевидео клуби билан шартнома имзолайди.

Аввалроқ, ҳужумчи 21 ноябрда бошланиши режалаштирилган 2022 йилда Қатарда бўлиб ўтадиган жаҳон чемпионати бошлангунга қадар қисқа муддатли шартнома имзолаши ҳақида маълумотлар пайдо бўлганди.

Сўнгги икки мавсумда Луис "Атлетико Мадрид"да ўйнади, ҳужумчининг шартномаси 30 июнь куни якунига етди.