Ҳимоячи Маттейс де Лигт "Бавария" учун энг қиммат учта футболчидан бирига айланди, деб хабар беради Sport.es.
Манбага кўра, "Бавария" де Лигт учун 67 млн евро тўлаган ва бу "Бавария" тарихидаги иккинчи энг қиммат трансферга айланган. Ҳимоячи Лукас Эрнандес учун Мюнхен клуби энг кўп маблағ тўлаган - 80 миллион евро. Ушбу кўрсаткич бўйича учинчи ўринда Лерой Сане жойлашган бўлиб, Мюнхен клуби унинг учун 60 миллион евро тўлаган.
Эътиборлиси, ҳозирда икки ҳимоячи "Бавария" тарихидаги энг қиммат учта харид қаторидан жой олди. Де Лигт ёзги трансфер ойнасида "Бавария"га ўтди. Унинг немис клуби билан шартномаси 2027 йилнинг 30 июнига қадар амал қилади.
