Мадриднинг “Атлетико” клуби ҳимоячиси Ману Санчес жамоа билан шартномасини узайтирди, дея хабар беради клуб расмий сайти.
21 ёшли испаниялик билан келишув 2027 йилнинг ёзига қадар мўлжалланган. Футболчи 2022/23 йилги мавсумни ижара асосида "Осасуна"да ўтказади.
Санчес "Атлетико Мадрид" тарбияланувчиси ҳисобланади. Ўтган мавсумда ҳам ҳимоячи "Осасуна"га ижарага берилганди. У Ла Лигада 33 та ўйин ўтказиб, 1 та гол урди ва 3 та голли узатмани амалга оширди.