"Ливерпуль" ҳужумчиси Роберто Фирмино "Ювентус"га ўтишга яқин турибди, деб хабар бермоқда Corriere dello Sport.
Манбанинг хабарига кўра, томонлар 30 ёшли бразилиялик футболчининг Турин клубига ўтиши борасида келишувга эришишга яқин турибди. Трансфер суммаси 19 миллион фунтни (тахминан 22,5 миллион евро) ташкил қилади.
Фирминонинг "Ливерпуль" билан амалдаги шартномаси келаси йилнинг ёзида тугайди. Transfermarkt портали бразилиялик ҳужумчини 32 миллион еврога баҳоламоқда.
Аввалроқ "мерсисайдликлар" 2015 йилдан буён жамоа шарафини ҳимоя қилиб келаётган футболчиси билан хайрлашиш ниятида эмаслиги ҳақида хабар берилганди.
Ўтган мавсумда Фирмино "қизиллар" сафида 35 та ўйинда майдонга тушиб, 11 та гол урди ва 5 та голга ассистентлик қилди.
