Агар Френки де Йонг жамоани тарк этишга ёки маошини камайтиришга рози бўлмаса, "Барселона" муаммога дуч келиши мумкин.
Журналист Альфредо Мартинеснинг фикрича, бу ҳолатда клуб Рафинья Диас ва Роберт Левандовскини рўйхатдан ўтказишда муаммоларга дуч келиши мумкин.
"Барселона" аллақачон Де Йонгга ультиматум қўйган. Клуб футболчининг маошини камайтиришга рози бўлишини ёки бошқа жамоага ўтишини истамоқда. "Кўк-анорранглилар" нидерландиялик футболчининг трансферини "Манчестер Юнайтед" билан келишиб олди, бироқ футболчи кетишни истамаяпти.
Хабарларга кўра, Де Йонгга "Челси" варианти қулайроқ, аммо "кўклар" талаб қилинадиган 90 миллион еврони тўлашга рози бўлмаса керак.
