Sky Sports хабарига кўра, "Вест Хэм" Франкфуртнинг "Айнтрахт"ига ярим ҳимоячи Филип Костич учун таклиф билан чиқди. "Болғачилар" 15 миллион евро ва бонуслар таклиф қилишди.

Немис клуби 20 миллион сўрамоқда. Манбага кўра, британияликлар учун яна бир қийинчилик футболчининг ўзини ишонтириш бўлади, чунки 29 ёшли серб бўлажак шартномани фаолиятидаги сўнгги йирик келишув деб ҳисобламоқда.

Ўтган мавсумда Костич "Айнтрахт" сафида барча мусобақаларда 42 та ўйинда майдонга тушиб, 7 та гол урди ва 15 та голли узатмани амалга оширди ва немислар сафида Европа лигасида ғолиб чиқди.

Transfermarkt.com портали Костичнинг нархини 24 миллион еврога баҳоламоқда. 29 ёшли сербнинг шартномаси 2023 йилнинг июнь ойи охиригача амал қилади.