Ярим ҳимоячи Аарон Рэмзи "Ювентус" билан шартнома бекор қилингани ҳақида фикр билдирди.

"Мен ижобий томонларга эътибор қаратмоқчиман. Умуман олганда, Туриндаги вақтим менга ёқди. Мухлислар ва мени шу уч йил давомида иштиёқ билан қўллаб-қувватлаган барчадан жуда миннатдорман. Раҳмат. Мен бу тажрибани ҳеч қачон унутмайман. Дўстлар омад. Сизга катта раҳмат”, - деб ёзди Рэмзи ўзининг Facebook саҳифасида.

26 июл куни "Ювентус" 31 ёшли уэльслик футболчи билан шартномани бекор қилди.

Ўтган мавсумнинг иккинчи ярмида ярим ҳимоячи “Рейнжерс” сафида тўп тепган ва у билан Европа Лигаси финалига қадар етиб борганди. Шотландия клуби сафида Рэмзи 13 учрашувда 2 та гол урди ва 2 та голли узатмани амалга оширди.