"Милан"нинг "Брюгге" ярим ҳимоячиси Шарл де Кетеларе бўйича таклифи тафсилотлари маълум бўлди.
Tuttomercatoweb хабарига кўра, "россонерилар" футболчини 35 миллион еврога сотиб олади, шундан "Брюгге" 31 миллионини дарҳол олади. Яна 2 миллион - бельгиялик шартномада кичик вариантларни амалга оширгандан кейин. Қолган 2 миллионни олиш қийинроқ. Шу билан бирга, ушбу бонусларни фаоллаштириш шартлари ҳақида хабар берилмаган.
Аввалроқ, "Брюгге" клуби Де Кетеларени "Милан"га сотишга рози бўлгани маълум бўлганди. 21 ёшли ярим ҳимоячи Италияга 29 июлда етиб келиши мумкин.
2021/22 йилги мавсумда хавбек “Брюгге” сафида 49 ўйинда 18 та гол урди ва 10 та голли узатмани амалга оширди.
Ярим ҳимоячининг клуб билан шартномаси 2024 йилнинг июнигача амал қилади.
