"ПСЖ" ҳужумчиси Неймар 2013 йилда "Сантос"дан "Барселона"га фирибгарлик йўли билан ўтганликда айбланиб, 2022 йил октябрь ойида судга тортилади.
El Pais хабарига кўра, Неймарнинг трансфер ҳуқуқининг 40 фоизига эгалик қилган DIS футболчи, унинг ота-онаси, "Сантос"нинг собиқ директори Одилио Родригес ҳамда "Барселона"нинг собиқ президентлари Хосеп Бартомеу ва Сандро Роселларга қарши даъво аризаси билан чиққан.
Компания Неймарнинг "Барселона"га трансферидан камроқ пул олганини даъво қилмоқда ва товон пули сифатида 150 миллион евродан кўпроқ пул талаб қилмоқда.
Прокуратура футболчини икки йиллик қамоқ жазоси ва 10 миллион евро миқдорида жаримага тортилишини талаб қилмоқда. DIS Неймарни беш йилга қамалишини талаб қилмоқда.
Ушбу иш бўйича суд мажлислари 2022 йил 17 октябрдан 31 октябргача бўлиб ўтади.
Неймар 2013 йилдан 2017 йилгача "Барселона"да ўйнаган.
