"Манчестер Юнайтед" ҳужумчиси Криштиану Роналдунинг агенти Жорже Мендеш Италиянинг топ-клубларидан бирига футболчининг хизматларини таклиф қилди. Football Italia нашри хабарига кўра, футболчини "Наполи" таклиф қилган.
Айни дамда неаполликлар ҳужумни кучайтириш ниятида. Лоренцо Инсинье ўрнига Хвича Кварацхелия келди, аммо жамоани тарк этган Дрис Мертенснинг ўрнини ҳали ҳеч ким эгаллагани йўқ. Муаммо Роналдунинг маошида бўлиши мумкин, аммо футболчи уни 30 фоизга камайтиришга тайёр.
Олдинроқ Роналду "Манчестер Юнайтед" билан шартномани бекор қилиш истагини билдирганди. Португалиялик футболчи жамоани тарк этиб, Чемпионлар лигасида ўйнайдиган клубга ўтишга қарор қилган.
