"Манчестер Сити" ярим ҳимоячиси Фил Фоден бош мураббий Хосеп Гвардиоланинг фазилатлари ҳақида гапирди. Эслатиб ўтамиз, айнан испаниялик мураббий қўл остида ярим ҳимоячи "шаҳарликлар"нинг асосий футболчисига айланганди.
"У жамоани қандай қилиб бирлаштиришни билади. Бизда катта таркиб бор ва ҳамма максимал даражада тайёр бўлиши керак. Биз буни ҳар мавсумда кўрамиз. Жамоанинг бирлашиши жуда муҳим. Шунинг учун ҳам биз йилдан йилга совринларни қўлга киритамиз", - деди Фоден "Манчестер Сити" расмий сайтига.
Ўтган мавсумда Фоден Премьер-лигада 9 та гол урди ва 5 та голли узатмани амалга оширди. Айни дамда футболчи эндигина 22 ёшда.
