"Manchester Siti" yarim himoyachisi Fil Foden bosh murabbiy Xosep Gvardiolaning fazilatlari haqida gapirdi. Eslatib o‘tamiz, aynan ispaniyalik murabbiy qo‘l ostida yarim himoyachi "shaharliklar"ning asosiy futbolchisiga aylangandi.
"U jamoani qanday qilib birlashtirishni biladi. Bizda katta tarkib bor va hamma maksimal darajada tayyor bo‘lishi kerak. Biz buni har mavsumda ko‘ramiz. Jamoaning birlashishi juda muhim. Shuning uchun ham biz yildan yilga sovrinlarni qo‘lga kiritamiz", - dedi Foden "Manchester Siti" rasmiy saytiga.
O‘tgan mavsumda Foden Premyer-ligada 9 ta gol urdi va 5 ta golli uzatmani amalga oshirdi. Ayni damda futbolchi endigina 22 yoshda.