"Бёрнли" ҳужумчи Максвелл Корнега даъвогарлик қилаётган клубларга футболчининг нархини эълон қилди.
"Бёрнли" ўтган мавсумни жуда омадсиз ўтказди ва Премьер-лигадаги ўрнини сақлаб қола олмади ҳамда Чемпионшипга тушиб кетди. Ёзда бир қанча асосий футболчилар жамоани тарк этишди. Корне мавсумни янги клубда бошлайдиган яна бир футболчи бўлиши мумкин.
Футболчига "Ноттингем Форест", "Фулхэм" ва "Эвертон" клублари қизиқиш билдирмоқда. Daily Mail хабарига кўра, "Бёрнли" ўз футболчисининг трансферидан 20 миллион евро ишлаб олишни режалаштирган.
Футболчи ўтган мавсумда АПЛда 26 та ўйинда майдонга тушиб, 9 та гол урди ва 1 та голли узатмани амалга оширди.
