Kicker нашри хабарига кўра, "Челси" ҳужумчиси Тимо Вернер кейинги мавсумда ҳам клубда қолади.
Манбага кўра, "Челси" бош мураббийи Томас Тухель 26 ёшли футболчини ўз жамоаси етакчиларидан бири сифатида кўрмоқда.
Олдинроқ германиялик ҳужумчига "Ньюкасл", "Ювентус" ва "Лейпциг" клублари қизиқиш билдираётгани ҳақида хабар берилганди.
Вернер 2020 йилнинг 1 июлида “Лейпциг”дан “Челси”га ўтган эди. Ўтган мавсумда форвард “аристократлар” сафида 37 та ўйинда 11 та гол урди ва 6 та голли узатмани амалга оширди. Немиснинг клуб билан шартномаси 2025 йилнинг 30 июнига қадар амал қилади.
