А Сериянинг янги клуби "Монца" топ-клублардан ўйинчиларга қизиқишда давом этмоқда. Шундай қилиб, италиялик журналист Жанлука ди Марцио ўзининг ижтимоий тармоқларида жамоа "Ювентус" ярим ҳимоячиси Никола Ровеллани ижарага олмоқчи эканлигини маълум қилди.
Манбанинг қайд этишича, Турин клуби футболчини юқори савияда ўйнаши, кўпроқ ўйин амалиётига эга бўлиши учун ижарага беришга қарши эмас.
Ровелла истиқболли футболчи саналади. У 2021 йилнинг январьида "Женоа"дан “Ювентус”га ўтди, шундан сўнг "Гриффинлар"га ижара асосида қайтди ва у ерда сўнгги 18 ойни ўтказди.
Ўтган мавсумда ярим ҳимоячи генуяликлар сафидаги 21-ўйинда қатнашиб, тўртта голли узатмани амалга оширди.
