"Челси"нинг марокашлик ярим ҳимоячиси Ҳаким Зиеш "Милан"га ўтишга яқин турибди, деб хабар беради Daily Mail.
Манба берган хабарга кўра, инглиз клуби футболчини 10-11 миллион еврога сотишга рози бўлган. Африкалик мунтазам ўйин амалиётига эга бўлиш учун клубини ўзгартиришга тайёр. Бироқ, ўтиш учун у маошини қисқартириши керак бўлади.
29 ёшли Зиеш ўтган мавсумда “Челси” сафида барча турнирларда 44 та ўйинда майдонга тушиб, 8 та гол урди ва 6 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.
