"Манчестер Юнайтед" ҳужумчиси Криштиану Роналду Чемпионлар лигасида ўйнаш нияти туфайли клубни тарк этиш истаги ҳақидаги хабарга ўз муносабатини билдирди.

Футболчи мухлислар аккаунтларидан биридаги пост остида изоҳ қолдирган. Нашрнинг таъкидлашича, Хорхе Мендеш "Манчестер Юнайтед"га Роналду ҳақиқатан ҳам кетишни хоҳлаётганини айтган.

“Ҳеч бўлмаганда бир кун мен ҳақимда гапирмасликнинг иложи йўқ, чунки акс ҳолда ОАВ пул топа олмайди. Биласизми, ёлғон гапирмасангиз, одамларнинг эътиборини жалб қила олмайсиз. Давом этинглар. Балки бир кун келиб сиз ҳам тўғри хабарни эълон қиларсиз”, - деб ёзди Роналду.

28 июль куни 37 ёшли футболчи "МЮ" раҳбариятига шартномани бекор қилмоқчи эканлигини айтгани малум бўлди. Бунгача португалиялик таътилдан кеч қайтиб, Манчестер базасида музокара олиб бориш учун келганди.

Ўтган мавсумда Роналду “Манчестер Юнайтед” сафида барча мусобақаларда 39 та ўйинда майдонга тушиб, 24 та гол урди ва 3 та голга ассистентлик қилди. Ҳужумчининг инглиз клуби билан шартномаси 2023 йилнинг 30 июнига қадар мўлжалланган.