Лиссабоннинг “Спортинг” клуби бош мураббийи Рубен Аморим “Манчестер Юнайтед” ҳужумчиси Криштиану Роналдунинг Португалия клубига қайтишига қарши чиқди, дея хабар бермоқда The Athletic.
Манбага кўра, мутахассис жамоага юлдуз ҳужумчининг келиши тактик режаларни бузиши ва ўйинни қийинлаштириши мумкин, деб ҳисобламоқда.
Эслатиб ўтамиз, Роналду "Спортинг" тарбияланувчиси бўлиб, у 2002/2003 йилги мавсумда ўйнаган, шундан сўнг "манкунианликлар" сафига кўчиб ўтган. Португалиялик футболчи “Реал” ва Туриннинг “Ювентус” клубларини ҳам ҳимоя қилди.
Аввалроқ футболчига "Спортинг"дан ташқари Мадриднинг "Атлетико" клуби ҳам қизиқиш билдираётгани хабар қилинганди.
37 ёшли форвард ўтган мавсумда "Манчестер Юнайтед" сафида 37та ўйинда майдонга тушиб, 24та гол урган ва 3та голга ассистентлик қилган.
