"ПСЖ" дарвозабони Жанлуижи Доннарумма бир йил ўтиб жамоада ўзини қандай ҳис қилаётгани ҳақида гапирди.
Италиялик дарвозабон парижликлар сафига 2021 йилнинг июль ойи ўрталарида эркин агент сифатида келиб қўшилган эди. Аввалроқ у "Милан"да ўйнаган.
“Мен ўзимни ажойиб ҳис қиляпман, Париж менинг иккинчи уйимга айланди. Жамоа менга трансфердан кейин тезда мослашишга кўп ёрдам берди ва ҳозир бу ерда кўплаб дўстларим бор.
Бу клубда сўз билан таърифлаш қийин бўлган ақл бовар қилмайдиган нарса бор - ҳаммамиз бир оиладекмиз.
Умид қиламанки, тарихнинг янги саҳифаларини ёзишда иштирок этиш учун "ПСЖ"да имкон қадар узоқроқ қоламан”, - дейди Доннарумма.
