"Челси" дарвозабони Кепа Аррисабалага "Наполи"га ўтиш учун маошини камайтиришга тайёр. Эслатиб ўтамиз, "Наполи" клуби дарвозабонни кейинчалик сотиб олиш шарти билан ижарага олмоқчи. Бу ҳақда Италиянинг Calciomercato нашри хабар бермоқда.
Кепа ўтган мавсумда Эдуард Мендига асосий таркибдаги жойини топшириб қўйди. Испания терма жамоаси дарвозабони "Челси"га УЕФА Суперкубогида "Вильярреал" жамоасига қарши ўйинда пенальтилар сериясида ғалаба қозонишига ёрдам берганди.
Кепа ҳамон футбол тарихидаги энг қиммат дарвозабон ҳисобланади. 2018 йилда "Челси" унинг учун 80 миллион евро тўлаган. Ўшанда у Бильбаонинг "Атлетик" жамоасидан Лондонга кўчиб ўтганди.
