Ҳимоячи Самуэль Умтити ва ярим ҳимоячи Рики Пуч яқин вақт ичида "Барселона"ни тарк этиши мумкин.
ESPN хабарига кўра, каталонияликлар душанба куни “Олимпиакос” вакиллари билан учрашиб, франциялик футболчининг бир мавсумга ижара асосида Греция чемпионатига ўтишини муҳокама қилади. Асосий мавзу иш ҳақининг тўлов тузилиши бўлади.
Mundo Deportivo хабарига кўра, Пучни "Лос-Анжелес Гэлакси" нишонга олган. Ярим ҳимоячига бошқа МЛС жамоаларидан ҳам қизиқиш бор.
Тахминларга кўра, яқин орада "Гэлакси" ўз таклифини тақдим этади, бу эса испаниялик билан уч йиллик шартнома тузишни назарда тутади. Бунга параллель равишда Пучнинг агенти бошқа вариантлар устида ишламоқда.