Уэстон Маккенни ёзги трансфер ойнасида "Ювентус"ни тарк этиши мумкинлиги ҳақида хабарлар тарқалган эди. Поль Погбанинг жароҳати вазиятга таъсир қилди ва Массимилиано Аллегри Маккенни билан ҳисоблаша бошлади.
Бироқ, америкалик ярим ҳимоячи ҳам "Ювентус"нинг лазаретидан жой олди. La Gazzetta dello Sport нашри хабарига кўра, 23 ёшли футболчи елкасидан жиддий жароҳат олган ва тахминан бир ой майдонга туша олмайди.
Уэстон Маккенни 2020 йилнинг кузидан бери "Ювентус" шарафини ҳимоя қилиб келмоқда. Бу вақт ичида ярим ҳимоячи 75 та расмий ўйин ўтказиб, 10 та гол урди ва 3 та самарали узатмани амалга оширди.
А Сериянинг биринчи турида “Ювентус” “Сассуоло”га қарши баҳс олиб боради. Ўйин 15 август куни бўлиб ўтади.
