Англия терма жамоаси аёллар ўртасидаги Европа чемпионати финалида Германия терма жамоасини мағлуб этди. Англия терма жамоаси қўшимча бўлимларда рақибларини 2:1 ҳисобида мағлуб этди.
"Уэмбли" стадионида бўлиб ўтган учрашувга 87 192 киши ташриф буюрди. Бу аёллар ўртасидаги Европа чемпионати ўйинларидаги томошабинлар сони бўйича янги рекорддир.
Англия ўз тарихида биринчи марта Аёллар евросида ғалаба қозонди. Илгари инглизлар икки марта финалда мағлуб бўлган.
Аммо Германия терма жамоаси ўз тарихида илк бор ҳал қилувчи баҳсда мағлуб бўлди. Немислар 8 марта олтин медални қўлга киритган.
