Германиянинг “Штутгарт” жамоасида тўп сураётган австриялик ҳужумчи Саша Калайжич Туманли Альбионга кўчиб ўтиши мумкин. 25 ёшли футболчига "Манчестер Юнайтед" қизиқиш билдирмоқда, чунки, бу ёзда Криштиану Роналдуни йўқотиш хавфи бор.
Daily Mail нашри хабарига кўра, агар португалиялик футболчи "Олд Траффорд"ни тарк этса, "манкунианликлар" Калайжичнинг трансферини амалга оширишга ҳаракат қилади. Сашанинг "Штутгарт" клуби билан шартномаси 2023 йилнинг ёзига қадар тузилган, унинг трансфер нархи 25 миллион еврога баҳоланмоқда.
Германия чемпионатининг сўнгги мавсумида ҳужумчи 15 та ўйин ўтказиб, 6 та гол ва битта самарали узатмани амалга оширди.
