Россиялик ярим ҳимоячи Алексей Миранчук келаси шанба, 6 август куни Италия кубоги доирасидаги ўйинда "Торино" сафида дебют қилиши мумкин. Турин клуби ўз майдонида "Палермо"ни қабул қилади.
Бугун, 1 август куни Миранчук тиббий кўрикдан ўтиши ва эртага "Торино"да машғулотларни бошлаши мумкин.
Унинг тақдимоти шанба кунидан олдин ўтказилиши керак. У "Палермо"га қарши ўйин учун қайдномага киритилиши кутилмоқда.
Олдинроқ "Торино" спорт директори Давиде Ваньянти СЭ нашрига россиялик футболчи сотиб олиш ҳуқуқи билан ижара асосида клубга ўтишини айтганди.
Миранчук “Аталанта”да 2020 йилнинг сентябридан буён ўйнаб келмоқда. Ўтган мавсумда у бергамоликлар жамоаси сафида 25 та ўйин ўтказиб, 2 та гол урди ва 5 та голли узатмани амалга оширди.
26 ёшли футболчининг “Аталанта” билан шартномаси 2024 йилнинг июн ойи охиригача амал қилади.
