"Милан"нинг собиқ ҳужумчиси Роналдонинг фикрича, Златан Ибрагимович янги мавсум ўрталарида "россонерилар" учун совға бўлиши мумкин.
Эслатиб ўтамиз, швециялик футболчи тиззасидан олган жароҳати туфайли қишгача майдонга туша олмайди.
"Ўйлайманки, мавсум ўртасида Златан "Милан" учун ҳақиқий совға бўлиши мумкин. Лекин биринчи навбатда у қандай футболчи бўлиб қайтишини кўриб чиқиш керак", - деди афсонавий Роналдо Football Italia билан суҳбатда.
Эслатиб ўтамиз, Ибраҳимович яқинда "Милан" билан шартномасини яна бир мавсумга узайтирган эди.
Катта эҳтимол билан янги мавсум Златан фаолиятидаги охиргиси бўлади.
