Ярим ҳимоячи Аарон Рэмзи расман "Ницца"га ўтди. Француз клуби расмий сайтида 31 ёшли уэльслик футболчи билан шартнома тузилгани ҳақида хабар берди.
Аввалроқ, келишув бир мавсумга мўлжалланган бўлиб, ҳамкорликни узайтириш варианти бўлиши ҳақида маълумотлар пайдо бўлганди.
26 июль куни "Ювентус" уэльслик ярим ҳимоячи билан шартномани бекор қилди.
Ўтган мавсумнинг иккинчи ярмида ярим ҳимоячи “Рейнжерс” сафида тўп сурган ва клуб билан Европа Лигаси финалига қадар етиб борганди.
Шотланд жамоаси сафида Рэмзи 13 учрашувда 2 та гол урди ва 2 та голли узатмани амалга оширди.
