Зарафшон шаҳридаги "Прогресс" ўйингоҳида "Қзилқум" ва "Андижон" клублари ҳам Олий лига 10-тури доирасида майдонга тушишди.

Ушбу учрашувда ҳам меҳмонлар ишончли ғалаба билан қайтишмоқда – 1:2. Аввалига андижонликлар ҳужумчиси Владимир Шишелов 33-дақиқада пенальтидан ҳисобни очган бўлса, Ғулом Ўрунов 67-дақиқада мувозанатни тиклади.

Бироқ учрашув интиҳосида жароҳатларидан фориғ бўлиб майдонга қайтган ёш ва умидли футболчи Беҳзод Ғозиев ғалаба тўпнини киритиб, "Андижон"га муҳим 3 очкони олиб берди.

Учрашувда майдон эгалари 1 марта, меҳмонлар 2 марта огоҳлантирилди. "Қизилқум" 7 марта, "Андижон" 4 марта бурчакдан тўпни ўйинга киритди.

Олий лига-2012. 10-тур

ҚИЗИЛҚУМ (Зарафшон) – АНДИЖОН (Андижон) 1:2 (0:1)
Голлар: Ғулом Ўрунов (67) – Владимир Шишелов (33-пен.), Беҳзод Ғозиев (83)