"Реал"нинг собиқ футболчиси Предраг Миятович жорий трансфер ойнасида ўз таркибини кучайтирган "Қироллик клуби" ва "Барселона" клублари ҳақида ўз фикри билан ўртоқлашди.
"Барселона" бу ёзда яхши ишларни амалга оширди, ажойиб футболчилар билан шартнома имзолади. Менимча, кучли рақиблар бўлгани маъқул, бу сизни хотиржамликка берилишимизга йўл қўймайди. Бунинг шарофати билан "Реал" ўтган мавсумда Чемпионлар лигасида ғолиб чиқди.
Трансферларга қарамай, "Реал" таркиби каталонияликларникидан кучлироқ эканлигига ишонаман. Мадридда тажрибали ўйинчилар ва ёшлар ажойиб бор. Бу ғолиб жамоа», - деди Миятович Cadena Ser билан суҳбатда.
Роберт Левандовски, Рафинья Диас, Андреас Кристенсен ва Жюль Кунделар ёзда "Барселона" сафига қўшилишди.
