"Комо" клуби расмий сайтида испаниялик ярим ҳимоячи Сеск Фабрегаснинг трансфери ҳақида хабар берди.
Футболчи эркин агент мақомида итальян клуби билан шартнома имзолади. Томонлар 2024 йилнинг ёзига қадар келишувга имзо чекишди.
35 ёшли Фабрегас аввалроқ “Арсенал”, “Барселона”, “Челси” ва “Монако” клубларида ўйнаган. У Испания терма жамоаси сафида 110 та ўйин ўтказиб, 15 та гол урган. 2 марта Англия чемпиони, 3 марта Англия кубоги соҳиби, Англия Суперкубоги соҳиби, Испания чемпиони, Испания кубоги соҳиби, 2 марта Испания Суперкубоги ғолиби, УЕФА Суперкубоги ғолиби, Клублар ўртасидаги жаҳон чемпионати ғолиби, Европа лигаси ғолиби, жаҳон чемпиони, 2 карра Европа чемпиони бўлган.