To10.gr сайтининг тарқатган хабарига кўра, ҳужумчи Жордан Ларссон Грециянинг "Олимпиакос" жамоасига ўтиши мумкин.
Манбага кўра, музокаралар одатдагидек давом этмоқда. Греция клуби 25 ёшли футболчини шартнома имзолашга кўндирса, уни жамоа етакчиларидан бири сифатида қўллаш борасида аниқ режага эга.
Ҳозир швециялик футболчи Москванинг “Спартак” клуби билан шартномаси бекор қилинганидан кейин эркин агентга айланган.
2021/22 йилги мавсумда Ларссон "қизил-оқлар" сафида 23 учрашувда 2 та гол урди ва апрель ойида ФИФАнинг янги қоидалари туфайли клуб билан шартномасини 30 июнга қадар тўхтатди ва мавсумнинг қолган қисмини Грециянинг АИК клубида ўтказди.
