"Челси" ярим ҳимоячиси Рубен Лофтус-Чик жамоани тарк этиш ниятида эмас, дея хабар бермоқда журналист Мэтт Лоу.
Манбага кўра, 26 ёшли англиялик футболчининг "Лестер" ҳимоячиси Уэсли Фофананинг шартномасига қўшилиши ҳозирча даргумон.
Аввалроқ, 21 ёшли Фофана Лондон клубига 90-100 миллион еврога тушиши мумкинлиги ҳақида хабар берилганди. Франциялик ҳимоячига "ПСЖ" ҳам қизиқиш билдирмоқда.
Лофтус-Чик ўтган мавсумда "Челси" сафида 40 та ўйинда майдонга тушиб, 1 та гол урди ва 5 та голли узатмани амалга оширди.