"Арсенал" ҳимоячиси Пабло Мари "Монца" жамоасига ўтишга жуда яқин турибди. Журналист Николо Скиранинг сўзларига кўра, А Сериянинг янги иштирокчиси ва “канонирлар” ўртасидаги келишув якуний босқичда.
Мари ўтган мавсумни "Удинезе"да ижара асосида ўтказганди. Испаниялик футболчи клубда доимий қолмоқчи эди, аммо жамоа ҳимоячини тўлиқ сотиб олиш учун "Удинезе"да маблағ топа олмади.
Мари икки ярим йил аввал бош мураббий Микель Артетанинг ташаббуси билан Бразилиянинг "Фламенго" жамоасидан "Арсенал"га ўтган эди. "Канонирлар" бош мураббийи ҳимоячини Хосеп Гвардиоланинг "Манчестер Сити"да ёрдамчиси бўлган давридан бери билади.
