Римнинг “Лацио” клуби ярим ҳимоячиси Луис Альберто ушбу трансфер ойнасида жамоани тарк этишга қарор қилди.
Журналист Николо Скиранинг фикрича, футболчи Ла Лигага қайтиши мумкин.
"Лацио" ўз футболчисини 25 миллион евро эвазига қўйиб юборишга тайёр. Шу билан бирга, футболчининг "бургутлар" билан шартномаси 2025 йилгача мўлжалланган.
Клуб бош мураббийи Маурицио Сарри Альбертони жамоада олиб қолишни истайди, бироқ футболчининг ўзи якуний қарорни қабул қилган. Тажрибали ярим ҳимоячининг трансферига қайси клублар қизиқиш билдираётгани ҳозирча маълум эмас.
