Амстердамнинг “Аякс” клуби раҳбарияти уй учрашувлари вақтида стадионга футболка совға қилишга илтимос ёки талаб билан плакат олиб келган мухлисларга рухсат бермасликка қарор қилди.
Раҳбариятнинг фикрича, бундай вазиятлар клуб имиджига путур етказади - барибир ҳамманинг талабини қондириб бўлмайди, доимо хафа бўладиган мухлислар бўлади. Бундан ташқари, рад этишга мажбур бўлган футболчилар жамоатчилик томонидан такаббур сифатида қабул қилинади, бу ҳам имиджга путур етказади, деб ёзади Sportbible нашри.
Нидерландия чемпионати 5 август куни бошланади, биринчи турда “Аякс” “Фортуна” жамоаси билан ўйнайди.