“Эвертон” етакчиларидан бири ҳисобланган ҳужумчи Доминик Калверт-Льюин яқин орада жамоага ёрдам бера олмайди. Football Insider нашри хабарига кўра, 25 ёшли ҳужумчининг ёнбош боғлами йиртилган. Калверт-Льюиннинг тикланиши учун тахминан уч ой керак бўлади.
Доминик Калверт-Льюиннинг таркибдан чиқиши "Эвертон" учун янги мавсум бошланишидан олдин жиддий зарба бўлиши мумкин. Лэмпард жамоаси 6 август куни Англия Премьер-лигасидаги биринчи тур ўйинини ўтказади. "Мерсисайдликлар" ўз майдонида “Челси”ни қабул қилади. "Гудисон Парк"даги ушбу беллашув Тошкент вақти билан 21:30 да бошланади.
