"Арсенал" ярим ҳимоячиси Лукас Торрейра турк клубига ўтишга рози бўлди.
Инсайдер Фабрицио Романонинг сўзларига кўра, ярим ҳимоячи “Галатасарой” билан шартноманинг якуний тафсилотларини келишиб олиши керак ва яқин кунларда у Истанбулга боради.
Келишув натижасида "Арсенал" 6-7 миллион евро олади.
26 ёшли уругвайлик футболчи ўтган мавсумни "Фиорентина"да ўтказди ва 31 ўйинда 5 гол урди.
Шунингдек, Туркиянинг “Milliyet” газетаси хабарига кўра, “Галатасарой” форвард Дрис Мертенсни эркин агент сифатида ўз сафига қўшиб олишга рози бўлган. Шартнома 1 (+1) йилга мўлжалланган.
