"Наполи" бош мураббийи, италиялик Лучано Спалетти шу ёзда Неаполни шартномаси тугаганидан кейин тарк этган бельгиялик ҳужумчи Дрис Мертенсни жамоада кўришни истамаслиги ҳақидаги миш-мишларга изоҳ берди.
"Эшитишимча, мен Мертенснинг янги шартнома имзолашини хоҳламаганман эмишман, бу ҳақиқат эмас! "Наполи" ҳам унинг кетишини истамади, Мертенс жамоага ёрдам берган бўларди. Клуб унга шартномани узайтириш бўйича таклиф билан чиқди, аммо у рози бўлмади", - дея Спаллетти сўзларини келтиради италиялик журналист Николо Скира ижтимоий тармоқдаги саҳифасида.
Эслатиб ўтамиз, 2021/2022 йилги мавсумда "Наполи" А Серияда учинчи ўринни эгаллаб, Чемпионлар лигасига йўлланма олди. Шу ёзда жамоага аввал Қозоннинг “Рубин” клубида тўп тепган грузиялик вингер Хвича Кварацхелия келиб қўшилди.
