Каталониянинг "Барселона" клуби навбатдаги ёзги трансферини эълон қилишга ҳозирлик кўрмоқда. Журналист Экрем Конурнинг ижтимоий тармоқларида хабар беришича, Бильбаонинг “Атлетик” клуби ҳимоячиси Иньиго Мартинес “кўк-анорранглилар" сафига қўшилади.
Манбага кўра, Ла Лига вице-чемпиони 31 ёшли футболчи билан шартнома шартларини келишиб олган. Энди каталонияликлар товон пули борасида "Атлетик" билан келишиб олишлари керак. Transfermarkt экспертлари Иньигонинг нархини 25 миллион еврога баҳоламоқда. Унинг "басклар" билан шартномаси келаси ёзгача амал қилади.
Жорий трансфер ойнасида "Барселона" сафига Рафинья, Роберт Левандовски, Франк Кессиэ, Жюль Кунде ва Андреас Кристенсен қўшилди.
