"Манчестер Юнайтед" "Барселона" ярим ҳимоячиси Френки де Йонгнинг трансфери бўйича олиб борилаётган музокаралардан ҳафсаласи пир бўлди.
Журналист Самуэль Лакхёрстнинг сўзларига кўра, “қизил иблислар” келишув эҳтимоли кундан-кунга камайиб бораётганини тушунишмоқда.
Айни пайтда Лондоннинг "Челси" клуби де Йонг учун курашда иштирок этмоқда. Нидерландиялик футболчи "кўклар" сафига ўтишни маъқул кўришини аллақачон айтиб ўтган, чунки Томас Тухель жамоаси кейинги мавсумда Чемпионлар лигасида ўйнайди.
Эслатиб ўтамиз, "Барселона" ўз футболчисини 80-90 миллион еврога баҳоламоқда. Трансфер суммаси "Манчестер Юнайтед" билан анчадан бери келишиб олинган, бироқ де Йонг ҳозирча "Барселона"ни тарк этишни истамаяпти.
